Ператрус на кватэрах, дзе жывуць супрацоўнікі Радыё Рацыі. Таксама ператрусы праходзяць на кватэрах незалежных журналістаў у Берасьці, Горадні, Віцебску, Бярозе. Журналістку зь Бярозы вінавацяць у абразе прэзыдэнта.
Як паведаміў супрацоўнік рэдакцыі "Радыё Рацыя" , недзе ў 8.30 да кватэры, у якой жыве супрацоўнік радыё, прыйшлі супрацоўнікі КДБ. Яны стаяць на лесьвічнай пляцоўкі ля дзьвярэй кватэры і затрымліваюць усіх, хто ідзе да дзьвярэй. Затрыманы журналіст Барыс Гарэцкі. Затрыманы журналіст "БелаПАН", які паехаў на месца высьвятляць падзеі, Аляксандар Янусік.
Таксама, як паведамляе БАЖ, супрацоўнікі спэцслужбаў прыйшлі ў кватэру гомельскага журналіста Анатоля Гатоўчыца. Паводле папярэдніх зьвестак, падобная ж сітуацыя ў Берасьці, Віцебску, і Горадні, дзе прадстаўнікі спецслужбаў таксама спрабуюць трапіць у прыватныя памяшканні мясцовых журналістаў.
На кватэры бярозаўскай журналісткі Шчапёткінай, якая супрацоўнічала з РР адбываецца ператрус. Ёй паказалі ордэр выпісаны ў Менску. Абвінавачваюць у паклёпе на прэзыдэнта.
Паводле некаторых зьвестак, супрацоўнікі КДБ паказваць ордэр на вобшук за подпісам памочніка генпракурора Струка, ордэр мог быць выдадзены па заведзенай крымінальнай справе аб абразе прэзыдэнта.
Як паведамляюць з Эўрарадыё, з 9.00 журналісты Эўрапейскага радыё для Беларусі раптоўна сталі недаступнымі, іх тэлефоны недаступныя, яны на сувязь не вяходзяць.
Ператрусы праходзяць на кватэрах журналістаў, што супрацоўнічаюць зь Белсатам.
UPD: community.livejournal.com/minsk_news/435836.htm...
UPD2 - продолжение: community.livejournal.com/minsk_news/435992.htm...
(новости на жж обновляются, так что смотреть можно тут: community.livejournal.com/minsk_news/)